مرحبا ترحبية النور لعيون الصباح |
مرحبا ترحبية الجبر للعظم الكسير |
مرحبا ترحيبة النصر في يوم الكفاح |
مرحبا يارجعة الشوف لعيون الضرير |
ياهلا ما سهر طرفا على غيابك وناح |
ياهلا كثر انتظارك من الجمع الغفير |
ياهلا ياقاسي البطش سلطان السماح |
يا شبيه معزي اللي بنا الصرح الكبير |
يا شبيه الغيم والبحر وانسام الرياح |
ياالحكيم الحاكم الاب الانسان الامير |
ياكثر اهل الارض شيمة وسلطان ونجاح |
مالك بحب المخلايق في الدنيا خشير |
كم شهر والخاطر الصلف والله ماستراح |
كل يوم ادعي الهي ياربي واستجير |
يحفظك يا اعز من غاب عن داره وراح |
وياكرم اللي عاد لارضه بعد صبرا عسير |
والله ان أسمك وخدمتك لأبسها وشاح |
موقعك بين المعاليق واهداب النضير |
كم تمنيت ان عندي مساء الجمعه جناح |
وأطلق سبوق المعاذير لجناحي وأطير |
مابعد رجعتك شيئا يزيد الانشراح |
غير رجعة شامخا في مواقيفه جدير |
الوفي الوافي الشهم عنوان الصلاح |
سيدي سلمان نعم الاخوه والنصير |
استميحك عذر ياسيدي والدمع طاح |
مابقا للدمع عذرا بعد شوفك يحير |
علي الريض |
|
