يا سعد عين الشعب في شوف سلطان |
سعادةٍ كلٍ بعينه قراها |
هذي سنة غبته طير حوران |
شعبه حزانى والوجوم اعتراها |
وتباشروا في جيته عقب الأحزان |
وعم الفرح مدن البلاد وقراها |
شيَّال حملٍ ما يشيله بليهان |
خيره تعدى المملكة واقصراها |
يمناه غيثٍ كنها المزن هتّان |
جوده يعم العُرب واللي وراها |
يا كثر ما تبذل يمانيه الاحسان |
وياما رقبةٍ من حلاله شراها |
ليِّن جناب وعند روغات الأذهان |
إليا توجهله لقومٍ فراها |
وسلمان وش باقول في مثل سلمان |
زيزوم نجد وتاج نجد وذراها |
هذا الوفا يمشي على هيئة إنسان |
دايم يوثِّق للاخوة عراها |
برِّه تعدى والدينه للاخوان |
راعي مواقف كل الامة تراها |
أميرنا المحبوب مهيوب الأركان |
صفوة ملوك المملكة واومراها |
الحمد للي جابهم عالي الشان |
الجيَّة اللي كلنا في حراها |
نايف بن كميّخ المريخي |
|
