اليوم خالد عريب الخال والجدي |
اناشهد أن الشجاعه كوم في راسه |
يوم اسألوه الصحافه شفت وش ردي |
تسمع كلام البطل وش قال بقياسه |
وقف امام العدو يقول متحدي |
اللي يتعدى شبر انقطع انفاسه |
حنا رجال الوطن ما يجيه متعدي |
مادام كلاً يعيش بكامل احساسه |
من دون حدود الوطن نحدهم حدي |
واللي يتعدى علينا يغيب اشماسه |
أبطال قواتنا تهدهم هدي |
على ماخاب العدو واتقطع أرماسه |
خل القنوات برس تشوف وتعِدي |
ضرب السعودي يهوش ورافعاً راسه |
يشوف ضرب الرصاص ولاعنه صدي |
والموت كانه فنجال الراس لعماسه |
مافيه سعودي لاشاف الموت يرتدي |
يضرب على الموت مهما كان ثم داسه |
الموت يجي لرجل منين مامدي |
والأحسن إنه يموت بعز نوماسه |
يموت من دون الوطن يذود ويؤدي |
هذا الفخر لرجل لو مات ياناسه |
يبقى بطل كل ماعدوه للبدي |
لو غاب جسمه افعاله باقيه لساسه |
الأجل مكتوب قبل الشخص يولدي |
علمه عند اللي خلق الكون واجناسه |
غالي عبدالله العنزي |
|
