Al Jazirah NewsPaper Tuesday  24/11/2009 G Issue 13571
الثلاثاء 07 ذو الحجة 1430   العدد  13571

حروة الجهرا

 

حمد السعيد شاعر معروف وإعلامي بارز جمع بين النقد وبين جودة الشعر وله مع الحمام قصة حالمة كتبها لنقرأها:

ثلاث الحمام اللي تعدّن على عصير

مصادير واليمّه علي حروة الجهرا

عراض الثنادي كلهن والجناح قصير

أنا أقول زاجل قول وأهل الحمام أدرى

عليهن طيار لو يشوفه زبون الجير

قضب سبق طيره قولته عرضة قشرى

ثواني وقفن تقل قرطاس في معصير

وراهن جمعت الشوف بالعين لين أزرى

تمنيت لو مرسل سلام مع التقدير

معاهن على اللي وين ما رحت له ذكرى

أبي يا صلنه قبل تدرج مساء الخير

أنا خابره ذي حزّته لابغي يقرى

معاهن ثلاثتهن أبا طرش التعبير

أبي لانست وحده تصلح لها الأخرى

أبي قولة إن فلان لو صار وضعه غير

بقت لك رسوم فيه من ليلة المسرى

تحت عينه اليمنى بدا للسهر تأثير

وتمكن سواده من تحت عينه اليسرى

عسى لا وصله العلم ويستأنف التفكير

أبي ينشغل فكره من الحين لي بكرى

تمنيت وصله بالفكر ما طلبت كثير

أبا أطري علي باله مثل ما علي يطرى

ألا يا عيون اللي تنهض وتل السير

لمحها بعينه يوم زالت مع المجرى

عديم إليا من حل طاريه قالوا طير

تعلم عليهن فرخ من يومها وأضرى

عقب ما وصل طلعه تحدّر دلو في بير

عليه الله كبر لا ضرب مخلبه يفرى

ضربها وغرّت منه ما بالسوالف خير

وترقا بأثرها مونس ضيعته وأحرى

غدا مثل ضيعة ذايع الصيت طير سمير

سبب دعوة لأمه ولا دونها مذرى

وعقب ضيعته جاب العوض فيه فاعل خير

عطيّة كريم أطباع ما دوّر المشرى

أثر لا غدا لك طير تلقي بداله طير

فلا شك جرح مضيّع الولف ما يبرى

حمد السعيد


 
 

صفحة الجزيرة الرئيسية

الصفحة الرئيسية

رأي الجزيرة

صفحات العدد