يا ليت هوج الرياح تزفني زفّي |
زف المحيط لبوابيره ولمواجه |
أعلي عضودي وهي تظرب على كفّي |
واصواتها في حيود الراس لجاجه |
أثبت لها بنحري وتدفني دفّي |
نلعب ونتعب طرب وجهاد ومواجه |
يقول انا احسبك من عامين متوفي |
واقول ربي بيده الظيق وفراجه |
تراك مسرف وانا منذرك ويكفي |
عدوي الليل لو متكاي ديباجه |
لاجا نهار اللزز ماني بمتخفي |
ثم باق الأيام مالي فالعرب حاجه |
دنيا البهاذيل علت ضارب الدفي |
والناس لو تدرق فالحيط هراجه |
كلن على شف نفسه والتعب شفّي |
أسلم من مكثر الشرهات واحراجه |
طبعي تراني مداني راعي اللفّي |
مغنيني الله عن مخاواه وازعاجه |
يوم الردي ياخذ المعروف ثم هفّي |
ناسن لياجا نهار الجد هجاجه |
عماد بن عبيد العتيبي |
|
