شعر: بدر بن عبدالمحسن بن عبدالعزيز
|
في رثاء صاحبة السمو الملكي الأميرة هيا بنت عبدالعزيز رحمها الله..
|
دام الهيا ينبت على جال واديه |
ودام المطر ينشي علينا سحابه |
ما ينقطع عطرك وذكرك وطاريه |
ولا تنطفي شمس الوفا والحبابة |
جينا نعزي يا ترى من نعزيه |
الطيب والا اللطف والا المهابة |
يا بنت من طال النجوم بأياديه |
وبنا الكيان اللي عزيزٍ جنابه |
ليلة رحيلك جفف الدمع راعيه |
يخاف لا تجرحك دمعة عذابه |
يرحمك ربٍ لا اكرم العبد يعطيه |
مما عطاك وثم يجزل ثوابه |
رب الهيا ينبته في جال واديه |
ورب المطر ينشي علينا سحابه |
|
