هذه القصيدة مهداة إلى صاحب السمو الملكي الأمير سلطان بن عبدالعزيز ولي العهد نائب رئيس مجلس الوزراء حفظه الله
|
طاب القصيد وطاب ترديد الألحان |
ومن الفرح قمت وحذفت العمامه |
بعد تشافى راعي الجود سلطان |
الحمد لله يوم قام بسلامه |
ولي عهد المملكة طير حوران |
يا حي هالطله وهالابتسامه |
الشعب مشتاق لشوفه وولهان |
حتى الرضيع اللي بسن الفطامه |
الله يردك للوطن يا خو سلمان |
ويصافحك شعبك وقصر اليمامه |
جعله طهور من المرض يا كحيلان |
يا فزعة اللي جاير الحمل ظامه |
يا فزعة المظلوم كان الدهر شان |
والله لتفرجله وياخذ مرامه |
بقلوب شعبك لك معزة ومسكان |
حبك معمر لين يوم القيامه |
الشعب يدعو لك شباب وشيبان |
حتى لو إنه ساجد في قيامه |
هداج تيماء يارده كل ضميان |
ماهوب رسٍ ماه مروى حيامه |
الخير في طلة محياه لابان |
ويفرض على كل الشعوب احترامه |
هو والكرم دايم قرينين واخوان |
الله جمع فيه الكرم والشهامه |
غيثٍ على شعبه من الخير هتان |
للطيب في وجهه ارسوم وعلامه |
مهما امدحه ما قالوا الناس غلطان |
المدح في الطيب طويل اخطامه |
وسلمت ياراع المكارم والاحسان |
يا اللي لك من المجد ذروة سنامه |
يابن الزعيم اللي للأمجاد عنوان |
اللي عسى الجنة تبرد عظامه |
صقر الجزيرة مروي السيف شامان |
لامن عج الخيل ثور عسامه |
وحد بلاده من حديثه لنجران |
ومن الخليج إلى علاوي تهامه |
عبدالعزيز اللي دحر كل شيطان |
يشهد له المصمك ويوم الرغامه |
وصلاة ربي عد همال الأمزان |
على الرسول اللي رفيعٍ مقامه |
سهل بن بندر بن حياد المقاطي |
|
