افرحي يا قلعة المجد في شام ويمن |
وازرعي شرقك وغربك رياحين ورود |
فرحة بمقوم الشرع تباع السنن |
شيخنا اللي ما بعد خلق مثله في الوجود |
بعد بشرنا مطفي مشاهيب الفتن |
قال بحر الجود في خير وأيام ويعود |
ايه أبو خالد ذراء الدار فزعة من زبن |
سيف أبو متعب عضيدة عمى عين الحسود |
أنت يا سلطان للشعب تاريخ وطن |
وأنت مجد وسيرة أبطال وإصرار وصمود |
سيدي لو يمدحونك على طول الزمن |
مدحهم ما ياصل أدناك وخصالك تزود |
راحت كفوفك ملاجي وخفاقك سكن |
لليتيم وللمساكين وكبار الوفود |
نادر يضحك حجاجك ولماح وفطن |
كل عمرك للمعالي وسهمك في صعود |
وأنت ياللي تحصر الطيب في سيف وصحن |
المراجل مالها عند أبو خالد حدود |
المحيط اللي تعبره وترسي به سفن |
كلها نخوة ونبل وشهامية وجود |
إن سمعنا اسمه عزف في مسامعنا لحن |
وان قرينا سيرته هب منها ريح عود |
سيدي ما جيت أنافق ولا أبحث عن ثمن |
الوفاء طبعا ورثناه من عصر الجدود |
زيد بن راجح البقمي |
|
