يوم ضاق الغلا بي من يمين ويسار |
قلت ابحيا وأنا اللي في غرامك دريك |
جيت ابهدي يدينك من قصيدي سوار |
قادني لك غلاي وجيت لك يا مليك |
جيت أدورك جنة.. واثر جنتك نار |
آه.. من نار حبك حسبي الله عليك |
بين بعدك وقربك ما وصلت لقرار |
مرة أنسى هواك.. ومرة أموت فيك |
في محيط المشاعر ذكرياتك مدار |
مبتليني وصالك والجفا مبتليك |
اذكرك وانت غايب شوق في كل دار |
واحسب انك معاي الين اعود واجيك |
افتقد كل حاجة لا فقدتك نهار |
واي شي ابيه القاه موجود فيك |
عذري اني احبك لو تموت العذار |
وعذرك انك تحس وتدري اني ابيك |
صرت من كثر حبك من محبتك اغار |
شفت وش كثر احبك حسبي الله عليك |
عوض القوانة |
|
