تسابقت كل المشاعر والانفاس |
تضغط على صدر حموله تهدي |
لا عاشق مغرم طوى حاله الياس |
ولا هاوي في كل رجم معدي |
البال من بعض المخاليق منحاس |
قامت هواجيس تروح وتردي |
كيف الوفا باقدام الانذال ينداس |
وشلون راع الطيب يجزا بصدي |
قلته ونا ماني جزوع وحساس |
نقسى الظروف ولا تجاوزت حدي |
الحمد لله عايش اليوم باوناس |
وعيني لكرامات الردي ماتلدي |
يا قلب لا تجزع من الوقت لاباس |
رجاك بالله وكل أزمة تعدي |
لا يمنعك عن واجبك فعل هلاس |
لو كل يوم ميت النار يردي |
أخذت من دورات الأيام نبراس |
وليه مع أهل العرف رأي يقدي |
وما دامني حي وعايش مع الناس |
واقنص بطير خابره ما يهدي |
والحاجة اللي دونها حنية الراس |
ما طمعت قبلي ابويه وجدي |
ضيف الله أبا العون الحربي |
|
