يا الله يا المعبود يا رزاق الطير |
يا عالمٍ بالبينة والخوافي |
ترد أبو خالد لداره على خير |
متى نشوفه في البلاد متعافي |
ومتى من الخارج يجينا تباشير |
بشرى وصوله طيب ومتشافي |
أنا أشهد أنك في قلوب الجماهير |
شعبك يحبك وأنت للشعب وافي |
يا ذراع أبو متعب إلى جت من الغير |
يا مروية حدب السيوف الرهافي |
يا كثر ما مدت يمينك من الخير |
يا كاف الأيتام هم والضعافي |
يا كثر حسناتك على شيخ وصغير |
أنت سندهم في السنين العجافي |
شيخٍ على العليا يقود الطوابير |
لين جاء من الضد المعادي خلافي |
والشعر ما يكفي بشيخ المناعير |
حتى لو أنه شاعر باحترافي |
يا سيدي إن كان في الشعر تقصير |
فالسيرة العطرة تشيب القوافي |
مسند بن مازن الميزاني |
|
