المدح عندي ما يساوي ولا شي |
كبير يوم إني كبيرٍ بعينيك |
والعذر منك أجمل من النور والضي |
مثل الخجل. مثل العتب في حنينك |
قناعتي ما تختلف دام أنا حي |
(أنت الغلا) والوقت بيني وبينك |
أنتي مخلدة الهوى. غادة الغي |
بأموت وأسمي عالقٍ في جبينك |
لولا وجود الشمس. وش قيمة الفي |
أحس قلبي حر حيثه رهينك |
أبيك حر الجمر. وأبرد من المي |
وتغيب فالوجدان وأقول وينك |
الصمت فالمنبر هو المنطق السي |
وقساك فعتابك دليلٍ لينك |
أجرح بقوه. وإن كويت انجح الكي |
انا على نفسي تراني عوينك |
لو هي على كيفي والاعمار بايدي |
لآخذ من سنيني وازوّد سنينك |
واعطيك عيني بالرضا ذي مع ذي |
وأحط روحي فوق راحة يمينك |
واليا طلبتك حاجةٍ عقبها عي |
أزعل عليك إن كان سدَّدت دينك |
|
