دارنا عنك تنشد وين نور الجزيرة |
وين سمح المحيّا طال عنا غيابه |
وين صبح بلح نورة ونسنس عبيره |
وين وسم لمع برقه بمقدام سحابه |
القلوب الوفيه من غيابك كسيره |
أسعد أوقاتنا يوم يشرف جنابه |
يابو خالد يا حلاّل الصعاب العسيره |
أنت نبع الوفاء يوم الزمن صك بابه |
أنت درع الوطن رجل السلام ونصيره |
قايد الجيش ما ترخص بذرة ترابه |
مد لهم المزون الممطرات الغزيرة |
منبع الطيب رمز الجود عز ومهابه |
أرجي الله عليم بالخفاء والسريره |
ترتوي العين من شوفة عزيز جنابه |
عبد العزيز بن ناصر الجبر |
|
