يا سيدي سلطان يا عز الأوطان |
اسمك يسر الناس لاحل طرياه |
يا سيد الأسياد يا طير حوران |
يا غيثنا اللي لابغيناه نلقاه |
يا سيدي من يوم سافرت للآن |
حلو الخبر عبر القناة نتحراه |
الكون عقبك كن ما فيه سكان |
وأشوف ظلمه مركمه في زواياه |
متى نشوفك يا نظر كل الاعيان |
وكل الفراغ اللي بذا الكون تملاه |
ونرفع لك البيضاء على رأس ما بان |
يا عزوة الشعب السعودي ورجواه |
ويا سيدي راع المواقيف سلمان |
يا سيدي يا طيب علما سمعناه |
ولاهي غريبة والذي صار برهان |
سلمان دايم والسعد في محياه |
سلمان مجداً جاء للامجاد عنوان |
مجداً عظيم ولا وجد مجد حلياه |
يا سيدي باسمي وباسم آل سوقان |
عبر المحطة صوتنا لك رفعناه |
بشر ترى وسط المعاليق نيران |
بشر ترانا الصبر ما عاد نقواه |
شفنا على الشاشات شيباً وشبان |
من يومها يا سيدي ما نسيناه |
ويا الله يا معبود يا خير رحمان |
يدعيك عبداً قام فرضك وصلاه |
ترد شيال الثقايل بليهان |
اللي لياضاقت علينا نصيناه |
وتحفظه يا معبود من وين ما كان |
وتوفقه يا الله وتحقق امناه |
ويا الله تكرمنا ليا عاد سلطان |
في شوفته ونجيه ونحب يمناه |
سعود بن ضحيان بن سوقان البقمي |
|
