|
فراقك أصعب شي في دنياي |
وموداعك يا غايتي موتي |
حل الرحيل ولا بقالي راي |
الدمع في عيني وفي صوتي |
برحل وأنا ألوّح لك بيمناي |
أخير من توديعي سكوتي |
بقفي عن ديارك وأسوق خطاي |
لو كل ما أصبح شفت تابوتي |
ولو حدني فقدك وجاب أقصاي |
ما قلت لأيام الزمن فوتي |
يكفيني الماضي عن اللي جاي |
ذكرى وصالك زادي وقوتي |
وملامحك.. لو ناظري نسّاي |
قلبي حفظها بكل ما أوتي |
ما أنساك لو طوّل مدى مسراي |
وما خبت لو خابت بك بخوتي |
أبكيك وأرثي عشرتك وياي |
وأكتبك شعر وتبكي بيوتي |
مرزوق الروقي |
|
|
|
|
|
