بياض راسي شيب والقلب ابيض من غير شيب |
يابو عيونٍ شيبت عيني بسلهاماتها |
والشيب للسلطاني ياترف القدم ما هو بعيب |
يرفع مقامه في العرب وتخر له هاماتها |
وأحيان ما هو كبر في بعض النواصي ياللبيب |
شفني صغير وشبت من دنياهي وإيهاماتها |
وأقرب دليل ماثل بعدك على ذنب قطيب |
يجلب هواجيس النوى ويفتق إلهاماتها |
ترث جروح يبطي الخفاق منها ما يطيب |
وتبين في حال النحاوي وجعة إسهاماتها |
وأنا عليك أشفق من أم الورع في اليوم العصيب |
لا قام حذف الروس وبكاها عليه اماتها |
أغليك وأحبك ولا لي في هوى غيرك نصيب |
أنت الوحيد اللي تثير النفس واتهاماتها |
من لامني يا نور عيني جعل شمسه للمغيب |
مالي ومال أهل النوايا السود واتهاماتها |
تفدك عذال المحبه من بعيد ومن قريب |
والسر في حرفان والقاسم على هاماتها |
عبدالله بن شايع الزهيري |
|
