يا عبيد بعض الحلم يصبح مغره |
قلته بعد صدق على السمع شوفي |
ماكل نون له مع الأرض جره |
ولا كل من واعد بميعاد يوفي |
شفت السحايب وارتجيت المسره |
قلت المطر جاني وزانت ظروفي |
سحايبٍ غطت نجوم المجره |
براقها يشبه لميع السيوفي |
خايلتها بالعين مره ومره |
قدامها لا وخسارة وقوفي |
هلّت علي العصر في راس حره |
لكن ماها مايبل الكفوفي |
أنا أحسب أن العلم واصل مقره |
وأثر النقط صارت بجنب الحروفي |
غصت البحر من بعد ما دجت بره |
وحصلت به دره عديمة وصوفي |
درة بحر ما هي مثل كل دره |
من دونها تقصر يدين الضعوفي |
هذا وأنا ماني بقصاص جره |
لكن أبا استافي مدام إني أوفي |
علي الحصني |
|
