عطني من اللي تعقد الراس فنجال |
فنجال دله يقصر النقد عنها |
ابغا اتهيض واتمثل بالامثال |
وحط برقاب الصعايب رسنها |
سرابي الهاجس على كل موال |
هاذي يبينها وهاذي دفنها |
خذها على كف القدر فال وعقال |
يوم اقبلت خيلك تسابق زمنها |
اوهام واحلام وطموحات وامال |
ندفع على وجه السيطه ثمنها |
من كثر ما ندور على راحة البال |
ما عاد ندري وين يمة وطنها |
صرنا انقدس عظمة الجاه والمال |
ونضيع فروض الصلاه وسننها |
والخاتمه يوم انتغطرس ونختال |
أرقابنا تنساق للي رهنها |
هذا الكلام اللي من الواجب يقال |
عنه الغرور اعمى القلوب وفتنها |
كان الطمع له قلب الإنسان ميال |
نرمي على وجه القناعه كفنها |
نور الصباح يبدد الليل لو طال |
ويشرق على شام البلاد ويمنها |
ياللي تهمك معرفة بعض الاحوال |
جتك المصادر وعرف العلم منها |
الكوكب اللي منقطع عنه الارسال |
بينه وبين الارض واللي سكنها |
حطت عليه رحالها اقدام رجال |
رحلة ذهاب وعودته ما ضمنها |
بعيد عن حب المظاهر والاشكال |
قريب من بوح النفوس وشجنها |
وان كبرت براسه تبي تصغر جبال |
وفي كف ميزان العدالة وزنها |
مقبل البلوي |
|
