ما لوم قلبك يصد ويخلف إحساسي |
من قبل أشوفك.. وظني دوم يتخيب |
متى أساسا أنا.. قد طحت متواسي |
الغدر جا من بعيد.. وجا من قريب |
وشلون ألومك؟.. وأنا اللي ربعي وناسي |
كل ما تجملت فيهم قالوا: حبيب |
لو كاس زمزم.. شربته.. شكوا ف كاسي |
!! إلا.. يلاقون فيني شيء.. يتعيّب |
أقيس مقياس طيب الغير.. بقياسي |
ويا كثر ما شفت طيب.. ما طلع طيب |
.. يا ما تجملت.. في ناكر.. ومتناسي |
والطيب.. في ذمة الأنذال.. يتغيب |
وما أحدٍ تجمل معي.. الا شعر راسي |
اللي بعد كل هالصكات.. ما شيب |
روح.. وأنا.. بكتم العبرات بأنفاسي |
منت أول إنسان.. أعشم فيه.. ويخيب |
سلطان الشلفان |
|
