في ذمتي ماعاد انا فاهم ٍ شي |
ما دري تبي فرقاي والا تبيني! |
ياجرحي اللي مد عمقه من يديّ |
متقاسم الغلطة فؤادي وعيني |
لحظة عطش أحيت جماد ما هو حيّ |
وتوطنّت بين الخيال ويقيني |
بعيونها حر المدى شفت به فيّ |
والجرح حب وقسوة القلب ليني |
ماعاد افرّق بين هاذي ولاذيّ |
ولاعاد اميّز بآخر الوقت ويني! |
للبوح مدّيت المشاعر لما فيّ |
وللجرح غنّي يا أنامل سنيني |
ميت ظما وانا على ساحل الميّ |
واغيب وأحلامي تموت بحنيني |
ومع كل هذا ما تحقق ولاشيّ |
الموت واقف بين حلمي وبيني! |
أحمد دلي الهزاع |
|
