صابر.. وهذا الوقت يحتاج صابر |
حتى الأمل يحتاج بعض التفاني |
لو هو مجرد حلم أو طيف عابر |
لا بد ما يحتاج شطة مواني |
قد كنت بالماضي جسور ومثابر |
ما زلت من اصداء حزني اعاني |
الماضي اللي كان تذكار غابر |
لا بد ما يضحك ويقبل زماني |
صحيح أنا مجروح اخفي واكابر |
لكن على سطر المشاعر يباني |
قال المثل: والناس أصلا مخابر |
وأنا على ما كنت .. ما صرت ثاني |
نسياني أصبح للمتاعب مقابر |
رميت به شوقي ودمع عصاني |
مل الورق يحضن دموع المحابر |
وانا بعد مليت ضيقة مكاني |
صوتي غدى من ضيق صدري منابر |
وانا حويت بداخلي من حواني |
كسر الخواطر ما له احساس جابر |
واسما الاماني للسعادة معاني |
فعلا بحاجة يا زمن .. شخص صابر |
ما عتدت اعيش الذل وأرضى هواني |
عبدالله بن سمير الحربي - تبوك |
|
