يا الله يا عالم الأحوال في كل حال |
يا اللي بفضلك وتوفيقك نعقد الأمل |
يا عالم السر ما يخفاك غيب الليال |
من فوق سابع سماء تسمع دبيب النمل |
أنت العظيم الكريم اللي تجيب السوال |
يا غافر الذنب وتجازي بقدر العمل |
بأمرك وحكمك وتوفيقك تعدل الميال |
يا خالق الخلق بيدينك تلم الشمل |
وتجمع شتات القلوب اللي تحب الوصال |
وبالوصل بين المحبين الفرح يكتمل |
والبارحة بين تحقيق الهدف والخيال |
الحلم قام أيتجدد يوم عكسه سمل |
والحظ رفت جناحينه وعدى الطوال |
وأقول يا حظ غرد لن عمك جمل |
الحمد لله ما تاقف بجرفٍ هيال |
وأنا ادري أنك ولو جار الزمن تحتمل |
لنك تعيف الحرام وكل كسبك حلال |
والفضل لله عطاك الخير فرد وجمل |
هذا وتبقى الحياة أدروسها راس مال |
منها وفيها الفوايد والمغامر صمل |
والوضع يحتاج وقفة يا كريم السبال |
يا اللي بخبرتك تفرق في وسوم الزمل |
يا اللي ما تجهل براع السالفة ويش قال |
اللي يقول المشاكل مثل حب الرمل |
هذي العبارة تراها رد ذاك السوال |
أشوف جل الرعايا بين جرب وهمل |
مهدي بن مسفر الحبابي |
|
