يا هيه ياللي تعرف الحال يا هيه |
أعنيك أنا وقدامهم قل يا هن |
مابي يبيح السد وادفنه واكميه |
عن هرجة العريان والشك والظن |
الناس ما تدري عن القلب وش فيه |
من لاوطت رجله على النار ماون |
بدتني العالم عتاب ومشاريه |
وش فيه حالك شاين اليوم من؟ من؟ |
هذي ثلاث سنين والحزن أداريه |
أطوي عنا الأيام حزن ويطون |
يلبسني الحرمان واغزله واطويه |
وأقيده حلمي ولا رق وحن |
وادفن شبابي مع عزومي واواريه |
تحت الثرى واسقيه دمعي ولا من |
وأوقف على قبره ثواني وأراعيه |
شقوى عيونٍ من سبايبه يبكن |
واحن لأيامه مَعَ عهود ماضيه |
بسمة حياتي ضحكة القلب والسن |
لكنها الدنيا مداهن وتسفيه |
دستورها التلفيق والشك والظن |
ثريا الشرق - دولة الكويت |
|
