صار الغياب بنظرتي شي عادي |
مهما تغيب وتبتعد ما أحاتيك |
ما عاد فيني للعنا والجهادي |
كم لي وأنا أسكت عن عيوبك وأداريك |
قلبك بوادي والمحبة بوادي |
وعاهدت نفسي ما أتبع دروب واديك |
للناس (عُرف) وللمودة مبادي |
وانت المودة تختلف مع مباديك |
ضيعت قدرك بالخطا والتماري |
كتنت الامل فيني وخاب الامل فيك |
كنت الوحيد وكان قربك مرادي |
أذكّرك لوني تناسيت ماضيك |
واليوم حل البغض فيني وزادي |
كثر الغلا وكثر ما كنت أنا أعطيك |
كثر النجوم الساهرة والعبادي |
وكثر الوله ما كان فيني يناديك |
جفت شرايين الغلا في فؤادي |
وكل الجوارح تصرخ تقول مابيك |
مثلك حرام انه يفوز بودادي |
ومثلي حرام انه يحبك ويغليك |
الأسطورة |
|
