قالوا ربيع بنجد ضافٍ وسيعي |
قلت الربيع ان كان نوره مشى فيه |
سلطان ريف.. والعرب له نجيعي |
دايم لكل الشعب ظلٍ يذّريه |
في هذين البيتين اختصر الشاعر المعروف عمير بن زبن وصف حال الجميع بانتظار عودة صاحب السمو الملكي الأمير سلطان بالصحة والعافية.
|
وفي قصيدته التي بدأها مخاطباً سمو الأمير سلمان بن عبدالعزيز منتظراً منه البشارة صور ابن عمير أصدق مشاعر الحب والولاء لسلطان القلوب حفظه الله وأتم له الصحة والعافية حيث يقول:
|
سلمان يوم اسموك سدٍ منيعي |
بوجيه من عادوا لنجد وضواحيه |
يامير نجد اللي برايٍ بتيعي |
تعمل ولا تاخذ براي المتاييه |
بين العرب مثل مصدّق وأذيعي |
زادٍ بليا ملح نفسك تجافيه |
ونجد أنت ملحه وانت فعلك بديعي |
شيءٍ صحيح الكل منّا يغنيه |
بشّر يابو فهد عن أبو الجميعي |
سلطان ريفٍ كلّنا اليوم نرجيه |
ولو إنها بالفدى فأنا سريعي |
بدمي وغال الروح والله لأفديه |
وقالوا ربيع بنجد ضافٍ وسيعي |
قلت الربيع إن كان نوره مشى فيه |
سلطان ريفٍ والعرب له نجيعي |
دايم لكل الشعب ظلٍ يذرّيه |
هو سيدي من لاذبه ما يضيعي |
سلطان دايم ضافياتٍ حسانيه |
عز اليتيم الطفل هاك الرضيعي |
إللي فقد لأمه وابوه وعوانيه |
نرجي من الرّب العليم السميعي |
إنا نشوفه واضحات خطاويه |
بأرض المطار نشوفه إنه طبيعي |
يمشي معافا وأنت تمشي تباريه |
عمير بن زبن بن عمي |
|
