إن كان عاجبك الغياب اهجريني |
وإلا على طول الزمن لا تغيبين |
أما غلا بين ما بينك وبيني |
وإلا يموّته الجفا بين قلبين |
وإن كان قصدك تستثيري حنيني |
ثاير حينيني قبل لا تستثيرين |
دامي أشوفك كل ما يحتويني |
والقاك في كل المواقف تمرين |
في ضحكتي وإليا لمع دمع عيني |
وبزحمة أشغالي عليّه تطلين |
تشرق ثنايا مبسمك في جبيني |
وتمطر من شفاهك حروف المحبين |
يا أقرب من أنفاسي لضمة يديني |
في ليلة يفلح بها بردها الشين |
وأقرب من أسوار الحزن حول طيني |
لامن ذكرت اللي مضى قبل عامين |
أعذر غيابك وإن نسيت إعذريني |
فكري مع غيابك على وين ناوين |
علي العنزي |
|
