سلام يا رافع لواء مجد الإسلام |
يا من بنى للشعب شيمه وقيمه |
بفضل وخير ما يعدد بالأرقام |
ومدات جود كنها وبل ديمه |
وبابك مشرع للملا طول الأيام |
ووصلت شعبك في البيوت القديمة |
لا مانسينا دمعتك لأجل الأيتام |
ولا ما نسينا ردعتك للجريمه |
كل المناطق عاشت بخير وانعام |
وشعبك بأمان راتع في نعيمه |
من الجنوب الخير ممتد للشام |
ومن غربها للشرق نهضه عظيمه |
حاكم حكيم وعادل بكل الأحكام |
وأكبر عدو للخطأ والظليمه |
إن عال عايل جبت له قيد وخطام |
وتعف عن بعض العقول السقيمه |
أنا أشهد أنه خاسر طول الأيام |
من صرت يا صقر العروبه خصيمه |
كل شهد لك فالدول عبر الإعلام |
تمشي بخير والنوايا سليمه |
دعيت أمم وشعوب وأديان وأخصام |
بنشر الحوار وشرع ربي مقيمه |
عينك تشوح بعيد قدام قدام |
تنظر لها من بعد نظرة حكيمة |
يا سيدي في وصفك تجف الأقلام |
وكل المدايح عند وصفك عقيمه |
يابن المليك اللي بنى مجد وأعلام |
عبدالعزيز اللي فعوله عديمه |
من الكويت يسوقها سوق ما نام |
ووصل الرياض العاصمة فوق ريمة |
وورد لشلفا حطت أشعار ووسام |
ولا ارتاح باله لين ذكى غريمه |
وخلا القبايل بينهم وصل وأرحام |
وأرسى قواعدها بشرع وعزيمه |
يا سيدي حنا لك دروع وحزام |
على العهد ضد اليدين الأثيمة |
ثلاث ما تنباع في سوق سوام |
دين ودار وراسك الله يديمه |
واختام يا رافع لواء مجد الإسلام |
هذي مشاعر ابنكم من صميمه |
عبدالكريم بن سعد الشمالي |
|
