يا خاطري لا باس لا باس |
ضاقت والا ضاقت على الله فرجها |
لا تشتكي مخلوق من ساير الناس |
مخلوق مثلك ما يعدل عوجها |
مال الصبر في سكه الياس مقياس |
والارض للعالم وساعٍ فججها |
وان ضاعت الحيلة على كف الاتعاس |
رجلك على ما دبر الله سجها |
وانا لك الله فاقد كل الاوناس غير |
والعين غير اغفايها ما ولجها |
امسي على هوجاس واصبح بهوجاس |
اكذب على نفسي واصدق حججها |
يا جمرةٍ بالجوف تصفق بالانفاس |
لا قلت آه احس زادت وهجها |
لولا الصبر وان الرجا يغلب الياس |
ما اقول لا ضاقت على الله فرجها |
ياسر سعود |
|
