رثاء في الطفل يوسف بن نواف الخلف الذي وافته المنية في 26-11-1429هـ |
بسم الإله اللي له الخلق خضاع |
الواحد اللي كل خلقه تعبده |
سبحانه المعبود عالم بالاوضاع |
سبحانه الخالق له الملك وحده |
ترحم صغيراً مات من حر الاوجاع |
وزود المرض مسكين بالحيل هده |
انا اشهد ان الموت للروح نزاع |
لاجاه يومه منهو اللي يصده |
عانى سنه ذاق الالم حد الاشباع |
غصباً عليه اوري وما كان وده |
لو المرض مخلوق لاعطيه من ساع |
عمري ولو هو طالبه ما ارده |
لا عطيه كل اللي يبي لين ينصاع |
واحدٍ له صاحب ولا احدٍ ضده |
امر الإله اللي له الخلق ركاع |
اللي حياة الكون كله بيده |
امره ولا غيره ابد امر ينطاع |
فرداً صمد كل الخلائق مرده |
الكل بفراقه غدا اليوم ملتاع |
كل على فراقه دموعه نجده |
عسى الولى يسكنه جناتٍ وساع |
ويرحمه يوم انه غدا اليوم عنده |
يوسف الخلف |
|
