توي صحيت وخاطري منك ضايق |
لا زلت أعاني كايد الهم والضيق |
لو شفتني مبسوط وشوي رايق |
بي البلا لو الأحجّة مطاليق |
حزني تحت حدب الضلوع الرقايق |
يسرح ويمرح جرته بالمعاليق |
أسلوبك القاسي معي غير لايق |
ترسل رسايل تحرق القلب تحريق |
لو كان معك الحق بس الحقايق |
حملتني يا صاحبي فوق ما أطيق |
وأن عاش رأسي وأفختته العوايق |
شمسٍ تغيب اليوم وترجع بتشريق |
بكرا تجي كلك أسى ما أنت طايق |
ملهوف كلك والمشاعر مشافيق |
خل المولع يهتني لو دقايق |
خلفه يفضفض بالحكي نشفة الريق |
محمد الخربوش |
|
