إذا كان الزمن جاير وقاسي |
لك الله ما على الدنيا دوامي |
يا كثر اللي شكا من ضيق وقته |
غدى من دورة أيامه حطامي |
واقول ان القصيد إحساس شاعر |
حروف الشعر بعيوني ظلامي |
طويت بصفحة أيامي حكاية |
وعادات الزمن يمشي بنظامي |
يعين الله لو ضاعت اماني |
وكل انسان ضايق .. ما يلامي |
غريب وتمشي الدنيا بغربه |
وش آخر لوعة الفرقا سلامي |
يمر من الزمن ساعة وساعة |
وذكرى الأمس مرت كالغمامي |
لقيت بسالفة حبي مصاعب |
ومن ذاق الألم صعبه ينامي |
لعل ارتاح في لحظة سكوني |
لعل انسى معاناة الغرامي |
انا من تهت في دنيا المحبّه |
اخذت بصدق إحساسي وسامي |
زمان وكنت من وجدي اعاني |
وكان الشوق يكبر كل عامي |
عرفت ان الغلا دربه يضيع |
واذا طاح الرجا ما قيل: قامي |
كثير من العنا يسكن خفوقي |
كثير من التعب أشقى الكلامي |
ومن طبع الزمن داير وجاير |
لك الله ما على الدنيا دوامي |
عبد الله بن سمير الحربي- تبوك |
|
