يا قلب نجد وسيدي سلطان |
سلام وتذعذع هبوب النود |
اذكرك ويهل المطر هتان |
وتصير نجد من الفخار نجود |
اذكرك ويصير الجماد انسان |
يحس لو انه من الجلمود |
اذكرك وتفتح لي البيبان |
ويقال تم لكل شي مردود |
اذكرك وتروض لي القيفان |
الشرد اللي مالهن قيود |
يا ليت لي مع اللسان لسان |
واثني عليك ولا ابلغ المقصود |
جبت البحر واللول والمرجان |
يالله تجملني مع آل سعود |
العزوه اللي كلها شجعان |
أهل الوفا اللي ما عليهم زود |
يا سيدي ونتم هل الاحسان |
العدل فيكم والوفا والجود |
في حكمكم كل العباد خوان |
يا خوان نوره يا عيال العود |
الحاكم اللي وحد العربان |
ولا عاد به طارد ولا مطرود |
وانتم عياله والحصان حصان |
الشاهد الله والعباد شهود |
يشهد لكم سيف وقنا وعنان |
والملح والدخان والبارود |
ويشهد لكم بسم الله الرحمن |
والله وكبر وحده المعبود |
ما قلتها يا سيدي من شان |
لو ان لي غايه ولي مقصود |
ما طارت طيور بلا جناحان |
والله كريم ويثمر العنقود |
جاك الرجا والياس يا كحيلان |
ونا اشهد انك تشفي المضهود |
رجاه بالله والله وسلطان |
وسلطان والله سيد أهل الجود |
سالم الرويس |
|
