يا وش بقى... باعطيك مني ولا جاك |
ما باقي الا روحي.. احيا بها لك |
اوصف جمالك.. كل ما نشدت واهواك |
وازين ايامي بجلسه خيالك |
يا الغايب الحاضر... بقلبي ولا القاك |
اقرب من عيوني... وصعبن منالك |
شالك زماني... عن عيوني... ووراك |
لا شك وثق في ظلوعي... حبالك |
يا صاحبي.. شمسٍ ورا ليل جفواك |
ما بالعهد بك قاسي... في دلالك |
وش غيرك.. يا منوة القلب واطفاك |
على حبيب... ما تخير بدالك |
دنياي ما تصلح بلا شمس... دنياك |
والليل يوحش... لو تغيب هلالك |
ولا تشوف العين زين بلياك |
ولا يطرب سمعي الا مجالك |
ولا انتفض قلبي من الحب لولاك |
ولولاك ما يبدي على... ما بدالك |
خالد الفيصل |
|
