لا عاد تنشدني علامي ليا غبت |
وانت تعرف وش هي سبايب غيابي |
ما يكفي إنك في عذابي تسببت |
وليتك تعاطفت ولطفت بعذابي |
حطيت سكينك على قلبي وصبت |
وطعنتني طعنة إلين النصابي |
آمنت بالله لا بالاصنام والجبت |
وشلون ترضى ذبحتي واكتئابي |
وماشي على نهجك تعذب ولاتبت |
وتزيد طعناتٍ تجدد صوابي |
شيبت في قلبي وعقلي وشيبت |
شيبتبي وانا بزهرة شبابي |
عن الأكل والشرب صديت واضربت |
والمسألة ما هي على أكل وشرابي |
المسأله وش بك بتعذيبي اذنبت |
هذا السؤال وفيه أدقق حسابي |
ولا عاد تنشدني وانا ما بعد طبت |
إلين يبرا من طعونك صوابي |
ثامر بن شجاع توفيق السهلي |
|
