يالله كم عبد لفزعتك محتاج |
كم واحد له حاجة ما قضاها |
همي ثمان سنين فالقلب سهاج |
اركاء على بيض الصلوع وحناها |
ارخي على نفس بها الحزن دواج |
ارخي علينا لين بين عناها |
حاولت بالدنيا على كل مسهاج |
لقيتها عوجا كبير خطاها |
إذا أدبرت دنياك لابد تنعاج |
ولابد ما تشرب وتشكي شقاها |
وإذا اقبلت تعطيك من بحر هداج |
يرعد رعدها ثم يمطر سماها |
ياليتني طير بعالي السما راج |
روحه على الجنحان تاخذ هواها |
جميل محسن الحربي |
|
