الموت وانواع الجفا والنفس وظروف الغياب |
والخوف واشباه البشر والناس واحوال المره |
في كف والحيره يكف قولوا خطا والا صواب |
ما ياكل لحوم البشر الا بشر مستهتره |
صفقت للدنيا هلا وغنيت بنت ما تهاب |
وضحكت من نفسي على نفسي وانا مستبشره |
اثر الوطا ماهو وطا واثر المطر ما هو سحاب |
واثر القلوب اللي يبعض الناس مثل المقبره |
لا هنت يا عشق الظما لا هنت يا وجه السراب |
يغيب فرح للزمن نفسي بقربك تشعره |
حلمت في غيمة وفا واثر الوفا عتمة ضباب |
لا ينهمر منه المطر ولا العجاج يبعثره |
وين انت يا عمر الهوى وين انت يا ضم الشباب |
من مت في عين القدر ما عندي شيء اخسره |
لا مات حلم وانهدم مبناه لحظات العتاب |
لا ترتجي من غير رب الكون هذا مغفره |
شعر - النجلاء |
|
