للأمير سلطان بن عبدالعزيز إسهامات في الحقل الإنساني باتت مضرب المثل، فروحه الباذلة تعودت أن تعطي في كافة جوانب العطاء. |
الشاعر حمدي ماطر العوفي يعبِّر عن مشاعره تجاه مواقف سموه الإنسانية من خلال طائرات الإخلاء التي ساهمت في عون الكثيرين. |
ياهل الكتابه لو كتبتوا مية عام |
ما حصيتوا اللي كف سلطان مده |
هذا الكرم معروف من طبع الاكرام |
صعب على اللي يكتبه لو يعده |
مدات كفه حيرت روس الأقلام |
من غير زود فعوله المستمدة |
لكن أبذكر طايره صيتها دام |
في كل يوم للأمر مستعده |
تقلع بأوامر سيدي وأمره إلزام |
وتسعف لها مرضى رجو عون يده |
مرضى مرضهم ما ياجل له أيام |
فزع لهم سلطان بأقل مده |
وفزعات أبو خالد كبيرات وجسام |
ولا أشوف بين الناس مثله وقده |
في كل وقت يحقق آمال وأحلام |
لشعبه اللي بالطلب ما يرده |
عساه يبقى للوطن درع وحزام |
وبالعافيه لعل ربه يمده |
ويسلم لنا ذخر العروبه والإسلام |
أميرنا اللي كل شعبه يوده |
حمدي ماطر العوفي – الرس |
|
