يا والله اللي راح منا فقيده |
ابوي ابن مانع عزيز فقدناه |
عبدالعزيز ابو السعود وليده |
باسمه شديد وفي الشدايد عرفناه |
راعي الفصاحة والدها ما يكيده |
عسر الأمور يحلها قد خبرناه |
له ذروة المجلس وهو اللي يسيده |
وقت الضحى في السبت والحزن ذقناه |
وفي عتيقة بعد الغروب الوقيده |
صلوا عسى الله قابل ما دعيناه |
وقبره بمنصورية في لحيده |
مع الدعاء بالمغفرة قد دفناه |
عساه روضات تظله مديده |
وثمار عدن وجنة الخلد سكناه |
وعساه يا رب بحياة سعيده |
الله يغفر زلته وما تعناه |
ويا رب يا رحمن راحم عبيده |
انك تبيحه ما كنينا وذعناه |
وعسى العوض في نسله أكبر رصيده |
سعود ومانع وكل الأحفاد مجناه |
وأختم بحمد الله وأثني وأزيده |
الله يحقق ما دعاه وما تمناه |
آمين قولوها وصلاة عديده |
على النبي ما غاب نجم وشفناه |
سعود بن زيد المانع |
|
