الله المعطي ولا فيه من يعطي عطاه

والله أني من عطى الله يا مشاري قنوع

والله اللي ينعبد ما عُبد رب سواه

والله اللي يعلم بحالة العبد الجزوع

ما حصل مكتوب والشاهد الله في سماه

والرحى تطحن ولاهمها كثر الجموع

المرض مخلف دماغه وكفكف له عضاه

طايحٍ من عاد عمره على الدنيا أسبوع

حالته فيها وفيها ولابه من شلاه

وأعيونه كفي الدمع يكفينا دموع

يا وجودي كانه أبطى ونومه ما اهتناه

يا متى ينزاح همٍ ورى حدب الضلوع

أنت يا للي قلت لي كل شيء ومنتهاه

ما دريت أنه ليا شافني وده يفوع

ما نزل من داء بأمر الولي نلقى دواه

وحظ منهو لا شكى جاله من الله فزوع

أحمد الخلاق ما خاب مخلوقٍ رجاه

وشاهدٍ لي كل مسلم سمعني بالسموع

المرض ما يرحم الشخص لا منَّه وطاه

يجعله ينسى حياته ويفقده الربوع

طالبك ما جاه يا خالق الدنيا كفاه

وطالبك في تالي الليل والعالم هجوع

محمد عبدالله الشبوي

صفحة الجزيرة الرئيسية

الصفحة الرئيسية

رأي الجزيرة