ياالله يالمطلوب يا واسع الجود |
يا واحد راجيك دايم وفاله |
الخير والحسنات والعز والزود |
ومن لا يسالك غادي الدرب عاله |
عفوك كريم وماله آفاق وحدود |
واعطف من الشايب على أصغر عياله |
يالله طلبتك خير يا خير معبود |
فبداية الشهر ومع أول هلاله |
تمحى لنا السيات واعمالنا السود |
قدام عمري لا تطوى حباله |
والليله اللي خيرٍ من سبعة عقود |
اجراً بها يا سعد من هو يناله |
ومن يبذل الخيرات ويكرس جهود |
لجل يتحرى الخير فعل ومقاله |
باذن الله ان الباب ماهوب مردود |
ولا داخله يكود من هو عناله |
يالله عسى مسعاي طيب ومحمود |
يا واحدٍ كل العمل والثنا له |
واختامها واعداد ما هبت النود |
صلوا على المختار راع الرساله |
فالح الثوري |
|
