يامدور التصفيق هذي رسالة |
الناس بالتصفيق مايرفعونك |
لاتنتظر بالمدح وقت الجزالة |
أنت اعرف بنفسك ولو يمدحونك |
مايرتفع راعي الفشل والجهالة |
بعيون منهم بالرقي ينصحونك |
المجتهد ممدوح والزين قاله |
وفكرك عن العثرات دايم يصونك |
هد وتريث خل عنك العجالة |
بتشوف قافك زاهيٍ في عيونك |
اخلص مع التفكير في كل حالة |
تفرض عليهم بالعقل يرغبونك |
ولا تاخذ براي الحسد والنذالة |
اضرب بعرض الحيط من ينقدونك |
لو يجحدون، الزين واضح جماله |
ومن يكرهك لابد يكره فنونك |
الزين يفرق بالحلا له دلالة |
واهل الجهل بالهرج لا يتعبونك |
ما كل كاتب قال يقرا مقاله |
ولاكل شعار العرب يعجبونك |
فيصل بن سبيل الباهلي |
|
