مرثية في الشيخ علي بن عليي الهجهاجي الغامدي شيخ قبيلة الهجاهجة من بادية غامد غفر الله له وأسكنه فسيح جناته: |
مرحوم يا شيخٍ على البال طاريه |
ذكره ولو تبلى الليالي جديدي |
عجزت لا أوصف لوعة الفقد وارثيه |
حاولت ما ترجم شعوري قصيدي |
عزي لقلبٍ ما لقي من يعزيه |
من بعد فقده شيخ قوم وعقيدي |
الشيخ أبو منصور وشلون ما أبكيه |
وحبه من أيام الصِغَر في وريدي |
والله ثم والله ما نيب ناسيه |
وأحيان أحسبه حي لكن بعيدي |
لاشفت بيته قلت لا يكون هو فيه؟ |
يمكن رجع من بعد غيبته سيدي! |
كم مرةٍ بغيت بالصوت أناديه |
وأذكر مماته وأمسح الدمع بيدي |
وان جيت باسلي هيضتني قوافيه |
قصيدة اللي ما يموت ونشيدي |
علمني الشعر وسقاني معانيه |
وأوصاني أنقى كل جزل وفريدي |
يا وجد حال الشعر من عقب راعيه |
ويا وجد حالي عقب فرقا عضيدي |
من لامني لعل تكثر بلاويه |
لا قلت يا عيني من الدمع زيدي |
يا رب تغفر له وتقبل حسانيه |
يا حي يا قيوم رب العبيدي |
عايض بن مساعد |
|
