صدى صوتها يا منيف طيف وبقايا اذكار |
معي باقيه بالذاكره تشغل افكاري |
تجيني بغفلة هاجسي والهموم كثار |
تغاضيت عنها تقبل اقوى من اصراري |
تقلب مواجع ذكريات لها مشوار |
من ايام عمر شفت بوجهها اقداري |
رواسب على جدران الايام والأفكار |
واترجم صدى الماضي على دفتر اشعاري |
قطعنا الزمان وقطع الوصل والاخبار |
ولا عاد باقي بيننا للقا طاري |
يعود الحنين لما مضى كنه الاعصار |
يبيح الضمير اللي تكبله الاسراري |
ليا اشتدت الاحزان والوقت حد وجار |
لنا بالمواقف خامر للقسى ضاري |
ابا اسهر على شانه وابا اسمر مع السمار |
وابا امسح عبارات الاسى والزمن جاري |
واخلد بقلبي صورة تلفت الانظار |
مدام الهموم اللي تجي مالها زاري |
أحمد حمدان |
|
