ما عاد يمديني ولا عاد يمديك |
نعيد حب فات ولّى زمانه |
يا صاحبي ما عاد لي رغبة فيك |
خلاص ما للحب في القلب خانه |
فيما مضى قلبي يحبك ويغليك |
وحبك بوسط القلب عليت شانه |
واليوم روح والليالي توريك |
حب يجرعك الشقا والخيانه |
ما هي شماتة غير ربي يجازيك |
هدمت حب شامخ في كيانه |
نسيت منهو في منامه يناديك |
يغليك قلبه قبل ينطق لسانه |
أدور اللي يا منى الروح يرضيك |
وأنت تدور لي العنى والإهانة |
ارخصت منهو كل ما حل طاريك |
يفز كنك واحد من اخوانه |
لا شك تاهت في الليالي مساعيك |
تعيد حب فات ولّى زمانه |
ناصر بن عبد العزيز الجبر - تمير |
|
