سلام يا مصر يام المجد وأم السلام |
يا ديرة العالم اللي تاصل احلامها |
يا مصر سافر لك الغالي رفيع المقام |
استقبلي طلته مع نفحة انسامها |
الجادل اللي غلاها ما يعرف الحرام |
اقدامها غير لوتاطاك باقدامها |
من الترف والنعومة تستثير الحمام |
ومن الخجل دايم الشفه على ابهامها |
دلوعة عطرها ما عانق الا الغمام |
يا حبها للبلاد ومنهج اسلامها |
رغم اتساع الحضاره وانفتاح النظام |
ما تمشي سفور تحفظ قيمة الثامها |
الله واكبر عليها من عيون الانام |
اخلافها نظرة العالم وقدامها |
من شافها ما تردد قال هذا الكلام |
من بين سحر الجمال وبين هندامها |
بالنور تمشي ولا تقرب حدود الظلام |
ومن هامها لا سمعها راح ما هامها |
من كل من تعرفه تحظى بكل احترام |
بيت القصيده هنا يا شرهة اقلامها |
وانا انتظر موعد العوده وحجزٍ تمام |
والموعد اللي بعد عامين بخطامها |
واكيد موعد سفرها قبل وقت الصيام |
الله يقبل مساعيها مع اصيامها |
دحيم النومسي |
|
