أرجوك لاعاد تطري ماضي السيره |
بلاش تجرح شعوري لا تعاندني |
حبك نسيته وظني خاب تصويره |
فقدت فيك الأمل.. لا عاد تفقدني |
الجرح يكبر وهجرك سر تكبيره |
خل المواجع تطيب.. ولا تجادلني |
قررت أسافر وأدور رحلة الخيره |
يكفي تعيد السوالف! وأنت تخذلني |
خلاص بأبعد وأمزع صفحة الحيره |
وأحرق حروف القصايد لو تعاتبني |
ذكراك ليل الشقي والهم تعبيره |
شف كثر هم النجوم اللي تضايقني |
جرحتني.. لا تحاول قلبي تثيره |
جمدت حس بحبك كان يسكني |
يموت نبض الوله في طب تجيره |
ما عاد ينفع دواك اليوم يسقمني |
العام حبك جنان وزينه الغيره |
حرصك وقربك من الوجدان يسعدني |
واليوم حلمي تبدد في معاذيره |
صورة خيالك بليلي ما تسامرني |
جفن السهر ما تحمل ليل تبريره |
الشوق ذبلت وروده.. وأنت تسألني |
عبدالله الطريسي |
|
