آه يا قلبي اللي يسمع وما يشوف |
وآه يا عيني اللي تنظر وما تنال |
ما ل قلبي عيون ولا ل عيني كفوف |
ما لهم غير حزن ودمعتين وسؤال |
انتهك حرمة الصمت ب ثلاثة حروف |
(ليش حرمان) ما يلقى لها الوقت بال |
الألم؛ لم في صدري طعون وحتوف |
والأمل؛ مل من قولة: (يا فيصل تعال) |
في طريقي ليالي وحدة وشوك خوف |
ضاع فيهم سنا حب وغمامة جمال |
ليتها مسألة وقت وحكاية ظروف |
كان ما ضقت من صبري لو الصبر طال |
آه كم فاض لي ناظر وكم شب جوف |
آه من (احتمال) إني أعيش (احتمال)!! |
راح عمري، يديني في خيالي تطوف |
ما تصافح يدين إلا (يدين الخيال)!! |
|
