يا عين هلّي الدمع لا تذخرينه

ابكي على مشلح وهلّي على ذياب

دروعنا اللي في المواقف رزينه

حرزٍ علي الشدات لا كلّح الناب

والطيب في كل العرب باذرينه

والصيت طيّب عند الأقصى والأصحاب

رفيقهم في الضيق يا سعد عينه

لا كبرت القاله وكثرنّا الانشاب

وقصيرهم طول الدهر مكرمينه

من ربعهم والا من الناس الأجناب

إخواني اللي حدّهم محتمينه

دون القبيله باذلين(ن) الأسباب

تلقي الشحم في الوقت عسره ولينه

ومع الشحم حلو النبا والترحاب

عاشوا ظروف الوقت زينه وشينه

مضرب مثل فالخوه ووصل الأقراب

والثلم واسع كلكم مدركينه

والصبر والإيمان هو خير الاطباب

والا العوض فيهم حرار مكينه

عيالهم سقم وعما كل حرّاب

والعود ينبت في محله حتينه

غابت نجوم وباقي نجوم سكّاب

وأنا أحمد الله خاتمتهم حسينه

في وسط مكه دفنهم باطهر تراب

والنيه اعتاقٍ لنفسٍ سجينه

وحسب النوايا كل نفسٍ لها حساب

والموت سنّه كلنا ذايقينه

ما عنه مجزع حق في جذع الارقاب

وختامها حلّت عليهم سكينه

يوم البعث والحشر مع سيد الاحباب

د. شالح بن خريزان بن سفران الخنافر

صفحة الجزيرة الرئيسية

الصفحة الرئيسية

رأي الجزيرة