النفس عيت تقبل النوم والزاد |
مما حصل لي في زماني وجالي |
صار الحزن في داخل القلب وقاد |
دايم تناجيني هموم الليالي |
من عقب ما فارقت أنا بنت الأجواد |
الدمع من عيني على الخد سالي |
حل الفراق وصرت أنا بهم وجهاد |
من عقبها والله عليم بحالي |
بنت عفيفة ما مشت درب الأنقاد |
على النقاء تمشي ولا به جدالي |
يا بنت كافي ما حصل صد وعناد |
شربت كأس المر عقب الزلالي |
القلب في غيابك مع الحزن ميعاد |
متى يجي شوفك ويرتاح بالي |
قلت أتصبر لكن الصبر ما فاد |
ويا طول صبري يا حسين الدلالي |
صنيتان فيحان العتيبي |
|
