يا خايفه. قبل اتهجّاك حرمان |
أنا بشر. مارضى عليك المضرّه |
يا خايفه. لو حدت عن ذات الإنسان |
حطمت معنى الذات تحطيم جرّه |
يا خايفه. كم بيننا حلف وايمان |
قلناه ثم عدناه فوق ألف مرّة |
يا خايفه. جرحي من الروح ريحان |
والا مثل عطر الخزامي وبرّه |
يا خايفه. لي قلب أبيض ووجدان |
ما شال غير الحب مثقال ذرّه |
يا خايفه. دايم وأنا عالي الشان |
ما حرجت لي نشمي. ولا أوذيت حرّه |
يا خايفه. ما رخص دموعك بالاثمان |
لو كل دمعة فوق خدك بدرّه |
يا خايفه وانتي مثل نور الاعيان |
حتى النظر ما بيه يلحقك شرّه |
يا خايفه. يبقى شعوري بالاحزان |
ما هل ليل وبان للصبح غرّه |
يا خايفه. مالك مبرر وبرهان |
أكبر غلط قلبي تزيدين حرّه |
خالد البقمي |
|
